SCRATCH
Scratch informatika-aplikazio bat da nagusiki haurrei zuzendua dagoena, interfaze grafiko sinple baten erabileraren bitartez ordenagailuen programazioaren kontzeptuak esploratzea eta saiakuntzak egitea baimentzen diena. Scratch mundu osoan erabiltzen da ingurune diferente askotan: eskolak, museoak, komunitate zentroak eta etxeak. 6-16 urtekoentzat zuzenduta dago baina adin guztietako jendeak erabili du Scratch.
Adibidez guk gaurko klasean lehenengo esperientzia izan dugu aplikazio honekin. Erabat murgildu gara jokoa deitu dezakegun informatika aplikazio honetara. Izan ere, jokoaren mamia guztiz berenganatu du gure arreta. Scratch-a erabiliz irudimenari askatasuna ematen diogu; irudi, kolore eta soinuei atea zabalduz. Ezaugarri guzti hauekin sekuentziak egin behar ditugu kreatibitatea erabiliz eta originaltasunari lekua utziz.
Horrez gain, gehien gustatu zaidana, konturatu gabe garatzen dituzun gaitasunak dira. Alegia, esperimentazio eta ikerkuntzaren bidez ordenagailuen programazioaren kontzeptuak ikasten dituzu pentsamendu logikoa garatuz.
Eta guzti hau, oso interesgarria izango litzateke ikastetxe barrura eramatea, ikasle guztiek esperientzia desberdin hau frogatzeko eta era desberdin batean kontzeptu ezezagunak ikasteko. Hots, jarduera arruntetatik ateratzeko eta ikat berriak behingoz ikastetxe guztietako egunerokotasunean murgiltzeko.
Programa frogatzeko egin beharreko iragarkia
Programarekin egun batzuk igaro eta gero, irakaslea iragarki bat egitea proposatu zigun. Olatz eta biok lehenengo aldia izanda, iragarki sinple eta argi bat egitea erabaki genuen.
Iragarki horretan, betaurreko miresgarri batzuen berri eman nahi genuen baina era dibertigarri, entretenigarri eta zuzen batean.
Gure ustez, Scratch-aren erabilera erraza da baina aldi berean konplexua. Guk iragarkia egiterako orduan, zailtasunak izan ditugu nahi genituen helburuak lortzeko, baina sormena eta intuizioa erabiliz lortu egin dugu.
Azkeneko emaitza lortzeko ezinbestekoa izan da pazientzia eta ikertzeko eta aztertzeko gaitasuna izatea. Horrez gain, originaltasuna eta irudimena lagundu digun ezaugarriak izan dira.
Bukatzeko, aipatu beharra daukat, iragarki hau egiteak izugarri lagundu gaituela erabiltzen ez genituen gaitasunak azaleratzeko. Horrez gain, klaseetako monotonia apurtu dugu eta primeran pasa dugu esperimentatuz eta jolastuz.
Komunikazio gaitasunerako jokoa
Ikt eta gaitasun komunikatiboa ikasgaiak lotuz, jarduera bat proposatu ziguten eta taldeka Scratch programaren bitartez joko bat burutzea bururatu zitzaigun. Aldez aurretik, gaia aukeratu genuen eta “hiskuntza aurreiritziei buruz egite erabaki genuen. Hori dela eta jokoaren izena “Hizkuntza aurreiritziak aldatuz” deitzen da. Jokoa euskararen inguruko galderak erantzutean oinarritzen zen, ikasleen partea sustatuz eta monotonia apurtuz. Jokoa Scratcha-rekin sortzerako orduan izan ditugun trabak ere aipatzekoak izan dira, izan ere, ez zaigu batere erraza iruditu eta Jon irakaslearen laguntza behar izan dugu gure ideiarekin aurrera jarraitu al izateko.
*Jokoaren mamia:
Jokoa puntuaketa baten bitartez burutzen da. Hainbat pertsonai ditugu joko honetan, klasekideak ordezkatzen dituzten pertsonaiak hain zuzen ere. Hasieran, ezkerrean ateratzen den neskatilak, 5 galdera egingo ditu eta eskuinean berriz, ateratzen diren 3 pertsonaiek, galdera bakoitzeko erantzun desberdin bat izango dute. Bakarra izan daiteke zuzena. Erantzun zuzena esanez, puntuak lortzen hasiko da jokatzen ari den ikaslea.
*Honako galdera hauek ipini ditugu jokuan:
-Euskarak Euskal Herrian lan aukera gehiago ematen ditu?
-Euskal Herrian Euskara harremantzeko baliabide funtsezkoa da?
-EH-n ikasketa publiko gehienetan parte hartzeko euskara ezinbestekoa den hizkuntza bat bezala ikusten duzue?
-Ulertzen duzue egunerokotasunean euskaldun zaharrek duten amorrua eta estres sentsazio hori?
-Uste duzue euskarak soilik baserri giroarekin erlazionatu egiten dela?
Bukatzeko aipatu beharra dago, jokoaren helburua aurreiritziekin bukatzea dela, baina horrez gain, klase dinamiko eta desberdin bat burutzea nahi izan dugu, ikasleen parte hartzea sustatuz.
